2022 ടൊയോട്ട ഫോർച്യൂണറിനും ലെജൻഡറിനും 1.10 ലക്ഷം രൂപ വരെ വില വർദ്ധിപ്പിച്ച് ടൊയോട്ട
ഇന്നോവ ക്രിസ്റ്റയ്ക്ക് (Innova Crysta) ഒപ്പം ഫോർച്യൂണറിനും (Fortuner) ലെജന്‍ഡറിനും (Legender) വില വർദ്ധനവ് പ്രഖ്യാപിച്ച് ജാപ്പനീസ് (Japanese) വാഹന നിര്‍മ്മാതാക്കളായ ടൊയോട്ട (Toyota). 2022 ഇന്നോവ ക്രിസ്റ്റയ്ക്ക് രണ്ട് പുതിയ അടിസ്ഥാന വേരിയന്റുകൾ നല്‍കുകയും, നിലവിലുള്ള ശ്രേണിയുടെ വില 33,000 രൂപ വരെ വർദ്ധിപ്പിച്ചപ്പോള്‍ 2022 ടൊയോട്ട ഫോർച്യൂണറിനും ലെജൻഡറിനും 1.10 ലക്ഷം രൂപ വരെ വില വർദ്ധിപ്പിച്ചു എന്ന് ഇന്ത്യാ കാര്‍ ന്യൂസ് റിപ്പോര്‍ട്ട് ചെയ്യുന്നു.
കൂട്ടിയും കിഴിച്ചും ടൊയോട്ട, വരുന്നൂ വീട്ടുമുറ്റങ്ങളിലേക്ക് പുതിയ ഇന്നോവകള്‍
undefined
2022 ടൊയോട്ട ഫോർച്യൂണർ 2 പെട്രോൾ, 4 ഡീസൽ വേരിയന്റുകളിൽ ലഭ്യമാണ്. പെട്രോൾ എംടി, എടി വേരിയന്റുകൾക്ക് ഇപ്പോൾ യഥാക്രമം 31.39 ലക്ഷം രൂപയും 32.98 ലക്ഷം രൂപയുമാണ് വില. അതേസമയം, ഡീസൽ MT 2WD, AT 2WD എന്നിവയ്ക്ക് ഇപ്പോൾ യഥാക്രമം 33.89 ലക്ഷം രൂപയും 36.17 ലക്ഷം രൂപയുമാണ് വില. ഈ വേരിയന്റുകൾക്ക് 66,000 രൂപയുടെ വിലവർദ്ധനവ് ലഭിച്ചു. ടോപ്പ്-സ്പെക്ക് ഡീസൽ MT 4×4, AT 4×4 എന്നിവ ഇപ്പോൾ യഥാക്രമം 36.99 ലക്ഷം രൂപയും 39.28 ലക്ഷം രൂപയുമാണ് ടാഗ് ചെയ്‍തിരിക്കുന്നത്. ഫോർച്യൂണർ ലെജൻഡർ 4×2 AT ഡീസൽ, 4×4 AT ഡീസൽ എന്നിവയ്ക്ക് ഇപ്പോൾ യഥാക്രമം 39.71 ലക്ഷം രൂപയും 43.43 ലക്ഷം രൂപയുമാണ് വില. ഈ ഹൈ-സ്പെക്ക് വേരിയന്റുകൾക്ക് ഇപ്പോൾ 1.10 ലക്ഷം രൂപ കൂടുതലാണ്.
നിരത്തില്‍ 50 ദശലക്ഷം കൊറോളകള്‍, ആഘോഷമാക്കാന്‍ ടൊയോട്ട ചെയ്‍തത്!
ടൊയോട്ട ഫോർച്യൂണർ രണ്ട് എഞ്ചിൻ ഓപ്ഷനുകളിൽ ലഭ്യമാണ്. 2.7 ലിറ്റർ പെട്രോളും 2.8 ലിറ്റർ ടർബോ ഡീസലും. പെട്രോൾ എഞ്ചിന് 166 bhp കരുത്തും 245 Nm ടോര്‍ഖും ഉത്പാദിപ്പിക്കാൻ കഴിയും. ട്രാൻസ്‍മിഷൻ തിരഞ്ഞെടുപ്പുകളിൽ അഞ്ച് സ്‍പീഡ് മാനുവൽ, ആറ് സ്‍പീഡ് ടോർക്ക് കൺവെർട്ടർ ഓട്ടോമാറ്റിക് എന്നിവ ഉൾപ്പെടുന്നു. ടർബോ ഡീസൽ എഞ്ചിന് 201 bhp കരുത്തും 420 Nm ടോര്‍ഖും ഉത്പാദിപ്പിക്കാൻ കഴിയും. ഇത് ആറ് സ്‍പീഡ് മാനുവൽ ഗിയർബോക്സുമായി ജോടിയാക്കിയിരിക്കുന്നു. ഓട്ടോമാറ്റിക് ഗിയർബോക്‌സ് ഉപയോഗിച്ച് ടോർക്ക് ഫിഗർ 500 എൻഎം ആയി ഉയരും.
ടൊയോട്ട കിർലോസ്കർ മോട്ടോർ (ടി കെ എം ) ലെജൻഡറിന്റെ പുതിയ 4X4 വേരിയന്റ് 2021 ഒക്ടോബറില്‍ പുറത്തിറക്കിയിരുന്നു. പുതിയ ടൊയോട്ട ഫോർച്യൂണറിനൊപ്പം 2021 ജനുവരിയിൽ 4X2 ഡീസൽ വേരിയന്റിലാണ് ലെജൻഡർ ആദ്യമായി അവതരിപ്പിച്ചത്. മികച്ച പെർഫോമൻസ് ഇഷ്ടപ്പെടുന്നവരുടെയും ആഡംബര എസ് യു വി തേടുന്നവരുടെയും വൈവിധ്യമാർന്ന ആവശ്യങ്ങൾ നിറവേറ്റുന്നതിനായി ലെജൻഡർ "പവർ ഇൻ സ്റ്റൈൽ" ആയാണ് പുറത്തിറക്കിയിരിക്കുന്നതെന്ന് കമ്പനി പറയുന്നത്. കോണുകളിൽ പൊതിഞ്ഞ കാറ്റമരൻ ഘടകങ്ങൾ ശക്തമായ ലംബമായ പ്രാധാന്യം സൃഷ്ടിക്കുകയും വിശാലമായ സാന്നിധ്യം ഉറപ്പാക്കുകയും ചെയ്യുന്നു. കൂടാതെ, പ്രത്യേകം രൂപകൽപ്പന ചെയ്ത ഹെഡ്‌ലാമ്പുകളിൽ സ്പ്ളിറ്റ് ക്വാഡ് എൽ ഇ ഡി കളും വാട്ടർഫാൾ എൽ.ഇ.ഡി ലൈൻ ഗൈഡ് സിഗ്നേച്ചറും ഉൾക്കൊള്ളുന്നു. എസ് യു വിയുടെ മൂർച്ചയേറിയ മൂക്ക് ഭാഗം കരുത്തുറ്റ മുന്നേറ്റത്തിന് സഹായകരമാകുന്നതിനൊപ്പം സ്ലീക് ആൻഡ് കൂൾ തീം, എക്സ്സ്റ്റീരിയർ സവിശേഷതകളായ കാറ്റമരൻ സ്റ്റൈൽ ഫ്രണ്ട്, റിയർ ബമ്പറുകൾ, ഷാർപ്, പിയാനോ ബ്ലാക്ക് ആക്സന്റുകളോടെയുള്ള സ്ലീക്ക് ഫ്രണ്ട് ഗ്രിൽ , സീക്വൻറ്റൽ ടേൺ ഇൻഡിക്കേറ്ററുകൾ, 18 ഇഞ്ച് മൾട്ടി ലെയർ മെഷീൻ കട്ട് ഫിനിഷ്ഡ് അലോയ് എന്നിവയും ഇതിന്റെ സവിശേഷതകളാണ്.
വാഹനത്തിന്റെ ഉൾവശം ഡ്യൂവൽ ടോൺ (ബ്ളാക്ക്, മെറൂൺ) ഇന്റീരിയർ തീമാണ്. സ്റ്റിയറിംഗ് വീൽ, കൺസോൾ ബോക്സ് എന്നിവയ്ക്ക് കോൺട്രാസ്റ്റ് സ്റ്റിച്ചിംഗ് ഇന്റീരിയർ ആമ്പിയൻറ് ഇല്ല്യൂമിനേഷൻ (ഐ/പി, ഫ്രണ്ട് ഡോർ ട്രിം, ഫ്രണ്ട് ഫൂട് വെൽ ഏരിയ) റിയർ യു എസ് ബി പോർട്ട് എന്നിവയും ഉൾപ്പെടുത്തിയിട്ടുണ്ട്. ഇതിന് പുറമെ ലെജൻഡറിൽ ഹൈ എൻഡ് സവിഷേതകളായ പവർ ബാക് ഡോറിനായി കിക്ക്‌ സെൻസർ, വയർലെസ് സ്മാർട്ട് ഫോൺ ചാർജർ എന്നിവയുമുണ്ട്. ലെജൻഡർ 4X2, 4X4 എന്നിവയുടെ ഓട്ടോമാറ്റിക് വേരിയന്റുകൾ ബ്ലാക്ക് റൂഫ് ഉള്ള പേൾ വൈറ്റ് നിറത്തിൽ മാത്രമേ ലഭ്യമാകൂ.
ടൊയോട്ട ഹിലക്സ് ബുക്കിംഗ് അനൗദ്യോഗികമായി തുടങ്ങി
അതേസമയം കമ്പനിയില്‍ നിന്നുള്ള മറ്റ് വാര്‍ത്തകള്‍ പരിശോധിക്കുകയാണെങ്കില്‍, അടുത്ത ഏതാനും ദിവസങ്ങൾക്കുള്ളിൽ എത്താൻ സാധ്യതയുള്ള പുതിയ കാമ്രി ഹൈബ്രിഡിനെ കമ്പനി ഔദ്യോഗികമായി ടീസ് ചെയ്‍തു. കൂടാതെ, ടൊയോട്ട അതിന്റെ ടിവിസി ഷൂട്ടിങ്ങിനിടെ കണ്ടെത്തിയഹിലക്സ് ലൈഫ്‌സ്റ്റൈൽ പിക്ക്-അപ്പ് ട്രക്ക് പുറത്തിറക്കും. ഡീലർമാർ ഹിലക്സ് പിക്ക്-അപ്പിനുള്ള മുൻകൂർ ഓർഡറുകൾ സ്വീകരിച്ചു തുടങ്ങിയിരിക്കുന്നു എന്നാണ് റിപ്പോര്‍ട്ടുകള്‍. മാരുതി എർട്ടിഗയുടെ റീ-ബാഡ്‍ജ് ചെയ്ത പതിപ്പായ റൂമിയോൺ എംപിവിയും കമ്പനി പുറത്തിറക്കും. ഹ്യുണ്ടായ് ക്രെറ്റയ്ക്കും കിയ സെൽറ്റോസിനും എതിരാളിയായി ടൊയോട്ടയും സുസുക്കിയും ഒരു ഇടത്തരം എസ്‌യുവിയും തയ്യാറാക്കുന്നതായി റിപ്പോര്‍ട്ടുകള്‍ ഉണ്ട്.