കായികമേഖലയിലുള്ളവര്‍ക്ക്, നിമയമേഖലയിലുള്ളവര്‍ക്ക്, മാധ്യമപ്രവര്‍ത്തകര്‍ക്കെല്ലാം ഈ ദിവസം ശ്രദ്ധേയം. അറിയാം ഈ ദിവസം നിങ്ങള്‍ക്കെങ്ങനെ?
മേടക്കൂര്‍:-(അശ്വതി,ഭരണി,കാർത്തിക 1/4)
പ്രതീക്ഷിക്കുന്ന പോലെ കാര്യങ്ങൾ അനുകൂലമായി മാറുന്ന ദിവസമാണിന്ന്. പ്രവർത്തനരംഗത്ത് ചില തര്‍ക്കങ്ങളും മറ്റും ഉണ്ടാവാനിടയുണ്ട്. ചെലവുകൾ വർദ്ധിക്കും. പുണ്യ കർമ്മങ്ങൾ അനുഷ്ഠിക്കാനും സാധ്യതയുണ്ട്.
undefined
ഇടവക്കൂര്‍:-(കാർത്തിക3/4രോഹിണി,മകയിര്യം1/2)
സ്വയം വേണ്ടെന്ന് വെച്ചിരുന്ന കാര്യങ്ങൾക്കായി വീണ്ടും പരിശ്രമിക്കും. അലസത വിട്ടുമാറും. കാർഷികകാര്യങ്ങൾക്കായി പണം ചെലവഴിക്കും. സുഹൃത്തിന്‍റെ സഹായം പ്രതീക്ഷിക്കാം.
മിഥുനക്കൂര്‍:-(മകയിര്യം1/2,തിരുവാതിര, പുണർതം3/4)
വീട്ടിൽ സന്തോഷവും സമാധാനവും നിലനിൽക്കും. ബിസിനസ് യാത്രകൾ വിജയകരമാകും. പണത്തിന്‍റെ കാര്യത്തിൽ വിഷമിക്കാൻ ഇല്ല. നിയമകാര്യങ്ങളിൽ അനുകൂല തീരുമാനമുണ്ടാകും.
കർക്കിടകക്കൂര്‍:- (പുണർതം1/4,പൂയം,ആയില്യം)
വിദ്യാർത്ഥികൾ പഠനകാര്യങ്ങളിൽ കൂടുതൽ ശ്രദ്ധിക്കുക. പുണ്യകർമങ്ങൾ അനുഷ്ഠിക്കാൻ ഇടയുണ്ട്. ദമ്പതികൾ തമ്മിൽ അഭിപ്രായ ഭിന്നതകൾക്ക് സാധ്യതയുണ്ട്.
ചിങ്ങക്കൂര്‍:-(മകം,പൂരം,ഉത്രം1/4)
വസ്തുസംബന്ധമായ ഇടപാടുകൾ മാറ്റിവയ്ക്കേണ്ടി വരും. അടുത്ത ഒരു സുഹൃത്തുമായി അഭിപ്രായഭിന്നത ഉണ്ടാകാൻ ഇടയുണ്ട്. പിതാവിന്‍റെ ആരോഗ്യസ്ഥിതി മെച്ചപ്പെടും. ബിസിനസ് കാര്യങ്ങളിൽ മന്ദത അനുഭവിക്കും.
കന്നിക്കൂര്‍:- (ഉത്രം3/4,അത്തം,ചിത്തിര1/2)
കൂടുതൽ ധൈര്യത്തോടെ പല കാര്യങ്ങളിലും ഇറങ്ങി പ്രവർത്തിക്കും. ബിസിനസ്സിൽ നിന്നുള്ള ലാഭം വർദ്ധിക്കും. മകളുടെ വിവാഹകാര്യത്തിൽ തീരുമാനം എടുക്കും. യാത്രകൾ മാറ്റിവയ്ക്കേണ്ടി വരും.
തുലാക്കൂര്‍:-(ചിത്തിര1/2,ചോതി,വിശാഖം3/4)
സാമ്പത്തികനില ഭദ്രമായിരിക്കും. മനക്ലേശം ഉണ്ടാവാൻ ഇടയുണ്ട്. ഭൂമി വാങ്ങാൻ ആഗ്രഹിക്കുന്നവർക്ക് അത് സാധിക്കും. ചിലർക്ക് അന്യനാട്ടിലേക്ക് സ്ഥലംമാറ്റം ലഭിക്കാം. അദ്ധ്യാപകർക്ക് അലച്ചിലുകൾ വർദ്ധിക്കും.
വൃശ്ചികക്കൂര്‍:- (വിശാഖം1/4,അനിഴം,തൃക്കേട്ട)
നിയമരംഗത്ത് പ്രവർത്തിക്കുന്നവർക്കും എഞ്ചിനീയർമാർക്കും എല്ലാം ഇന്ന് ഏറെ നേട്ടങ്ങൾ പ്രതീക്ഷിക്കാം. സ്വർണാഭരണങ്ങൾ സമ്പാദിക്കാൻ കഴിയും. മികച്ച പ്രവർത്തനത്തിനുള്ള അംഗീകാരങ്ങൾ ലഭിക്കും. കാർഷിക ആദായം വർദ്ധിക്കും.
ധനുക്കൂര്‍:-(മൂലം, പൂരാടം, ഉത്രാടം1/4)
വാക്കുതർക്കങ്ങൾ ഉണ്ടാകാതെ പ്രത്യേകം ശ്രദ്ധിക്കുക. തീർത്ഥയാത്രയിൽ പങ്കെടുക്കാൻ തീരുമാനിക്കും. വീട് മോടി പിടിപ്പിക്കും. ധനസ്ഥിതി മെച്ചപ്പെടുകയും ചെയ്യും.
മകരക്കൂര്‍:(ഉത്രാടം3/4,തിരുവോണം, അവിട്ടം1/2)
കായികമേഖലയിൽ മികവ് തെളിയിക്കാൻ കഴിയും. വിദ്യാർത്ഥികൾ പരീക്ഷയിൽ മികച്ച വിജയം നേടും. സാമ്പത്തികസ്ഥിതി മെച്ചപ്പെടും. എല്ലാ കാര്യങ്ങളും ഉത്സാഹത്തോടെ ചെയ്തുതീർക്കാൻ കഴിയും.
കുംഭക്കൂര്‍:-(അവിട്ടം1/2,ചതയം,പൂരുരുട്ടാതി3/4)
ഭൂമിയിൽ നിന്നുള്ള ആദായം വർദ്ധിക്കും. പുതിയ ചില കരാറുകളിൽ ഒപ്പുവെയ്ക്കും. സുഹൃത്തുക്കളോടൊപ്പം ഉല്ലാസയാത്ര ചെയ്യാനും സാധ്യതയുണ്ട്. ചെറിയ ചെറിയ അസുഖങ്ങൾ ശല്യം ചെയ്യാം.
മീനക്കൂര്‍:- (പൂരുരുട്ടാതി 1/4,ഉത്രട്ടാതി, രേവതി)
ചിലവുകൾ അധികമാകും. എതിരാളികളെ നിഷ്പ്രഭമാക്കാൻ കഴിയും. മാധ്യമരംഗത്ത് പ്രവർത്തിക്കുന്നവർക്ക് നേട്ടങ്ങൾ പ്രതീക്ഷിക്കാം. വീട് വിൽക്കാൻ ശ്രമിക്കുന്നവർക്ക് അത് നടക്കും.
തയ്യാറാക്കിയത്
ഡോ. പി ബി രാജേഷ്:
Astrologer and Gem Consultant